KAIMU
katibu M kuu Ofisi ya Waziri Mkuu, Tawala za Mikoa na serikali za
mitaa(TAMISEMI, Jumanne Sagini, ameyanyoshea kidole Mashirika ya Tanesco, TTCL
na Mamlaka za Maji katika Halmashauri mbalimbali nchini kuwa ni chanzo cha
kukwamisha utekelezaji wa miradi ya maendeleo inayofadhiliwa na Benki ya Dunia
kutokana na kutoondoa miundombinu yake kwenye maeneo inakopita miradi hiyo.
Sagini
alitoa kauli hiyo kwenye mkutano wa nne wa tathimini wa utekelezaji wa miradi
hiyo uliofanyika Jijini Mbeya ambapo mkutano huo pia ushirikisha wakurugenzi na
wakuu wa Idara wa Halmashauri nane nchini.
Alisema
kuwa kutokana na ucheleweshaji huo Sagini aliwataka wakuu wa idara husika na
miundombinu yao kuondoa haraka ili kupisha miradi hiyo na kutekelezwa na
kumalizika kwa wakati uliopangwa.
“Naagiza kwamba wakuu wa mashirika yote niliyoyataja
hap kwa kushirikiana na Halmashauri, katika maeneo husika wakutanishwe na wakuu
wa mikoa ili miundombinu hiyo iweze kuondolewa haraka”alisema na kuongeza.
“Tunataka utekelezaji wa miradi hii tunayofadhiliwa na Benki ya
Dunia ufanyike haraka na kuweza kukamilika kwa wakati,” alisema Sagini.
Mtaalam wa Miji na Majiji wa Benki ya Dunia, Martin Onyach Olaa
alisema kuwa utekelezaji wa miradi hiyo nchini umefikia wastani wa asilimia 50
na kwamba anaamini kuwa kama vikwazo vidogovidogo vilivyopo vitaondolewa kazi
hiyo inaweza kumalizika kwa wakati.
Alisema kuwa miradi hiyo ina lengo la kuwasaidia wananchi
kujikwamua na umasiki na kuwaletea maisha bora kama ambavyo dira ya mwaka 2025
inavyoelekeza.
Miradi hiyo inayofadhiliwa
na Benki ya Dunia inatekelezwa katika Halmashauri za majiji ya Mbeya, Mwanza,
Tanga na Arusha na kwenye Halmashauri za Manispaa ya Mtwara Mikindani, Moshi,
Dodoma na Kigoma Ujiji.
EmoticonEmoticon