·
MWENDESHA PIKIPIKI AFARIKI DUNIA PAPO HAPO BAADA
YA KUGONGWA NA GARI.
·
MTU MMOJA MWENYE ASILI YA KISOMALI/KIETHIOPIA AMEKUTWA
AMEKUFA VICHAKANI WILAYANI MBOZI.
·
JESHI LA POLISI MKOA WA MBEYA LINAWASHIKILIA
WAHAMIAJI HARAMU WANNE RAIA WA NCHINI KONGO.
·
JESHI LA POLISI MKOA WA MBEYA LAKAMATA POMBE
HARAMU YA MOSHI WILAYANI KYELA.
KATIKA TUKIO LA KWANZA:
MWENDESHA PIKIPIKI AMBAYE HAKUWEZA KUFAHAMIKA JINA
WALA MAKAZI YAKE ALIYEKUWA AKIENDESHA PIKIPIKI YENYE NAMBA ZA USAJILI T.547 CBP
AINA YA FECON ALIFARIKI DUNIA PAPO HAPO BAADA YA KUGONGWA NA GARI LENYE NAMBA
ZA USAJILI T.779 BNE/T.266 BNH AINA
YA SCANIA LILILOKUWA LIKIENDESHWA NA DEREVA AITWAYE HUSSEIN JUMA (22) MKAZI WA ARUSHA.
TUKIO HILO LIMETOKEA MNAMO TAREHE 10.12.2014 MAJIRA YA SAA
18:00 JIONI HUKO MAENEO YA KADEGE, KATA YA FOREST, TARAFA YA IYUNGA, JIJI
NA MKOA WA MBEYA KATIKA BARABARA KUU YA MBEYA/TUNDUMA. CHANZO CHA AJALI
KINACHUNGUZWA. DEREVA AMEKAMATWA. MWILI WA MAREHEMU UMEHIFADHIWA KATIKA
HOSPITALI YA RUFAA MBEYA.
KAMANDA WA POLISI MKOA WA MBEYA KAMISHINA MSAIDIZI
MWANDAMIZI WA POLISI AHMED Z. MSANGI ANATOA
WITO KWA MADEREVA KUWA MAKINI WATAPOTUMIA VYOMBO VYA MOTO IKIWA NI PAMOJA NA
KUFUATA/KUZINGATIA SHERIA NA ALAMA ZA USALAMA BARABARANI ILI KUEPUKA AJALI
ZINAZOWEZA KUEPUKIKA.
KATIKA TUKIO LA PILI:
MTU MMOJA MWENYE ASILI YA KISOMALI/KIETHIOPIA AMBAYE
HAKUWEZA KUFAHAMIKA JINA, JINSI YA KIUME, MWENYE UMRI KATI YA MIAKA 25-30
AMEKUTWA AMEKUFA VICHAKANI MITA TATU KUTOKA BARABARA KUU YA MBEYA/TUNDUMA.
MWILI WA MAREHEMU ULIKUTWA ENEO LA KIJIJI CHA
KILIMAMPIMBINI, KATA YA VWAWA, TARAFA YA VWAWA, WILAYA YA MBOZI, MKOA WA MBEYA
MNAMO TAREHE 10.12.2014 MAJIRA YA SAA 15:00 ALASIRI. MWILI WA MAREHEMU
UMEKUTWA UKIWA HAUNA JERAHA LOLOTE NA UKIWA UMEDHOOFIKA SANA.
AIDHA BAADA YA KUMPEKUA MFUKONI ALIKUTWA NA TIKETI YA
BASI LA RATCO EXPRESS ILIYOKUWA NA
JINA LA ELY FAMILY MDUNDO KUTOKA
TANGA KWENDA DSM ILIYOKATWA TAREHE
04.11.2014 YA KUSAFIRI TAREHE
6.11.2014. INADHANIWA KUWA MAREHEMU ALIKUWA NI MHAMIAJI HARAMU. MWILI WA
MAREHEMU UMEHIFADHIWA HOSPITALI YA SERIKALI WILAYA YA MBOZI. UCHUNGUZI ZAIDI WA
TUKIO HILI UNAENDELEA.
TAARIFA ZA MISAKO:
KATIKA MSAKO WA KWANZA, JESHI LA POLISI MKOA WA MBEYA LINAWASHIKILIA RAIA
WANNE WA NCHINI KONGO KWA KOSA LA KUINGIA NCHINI BILA KIBALI. WAHAMIAJI HAO NI
PAMOJA NA 1. HASSAN KAULA (18) 2. KATUMBA ASHERI (20) 3. ISSAH LUKIMBANA (20) NA 4. IBELE BUMA (20).
WATUHUMIWA WALIKAMATWA MNAMO TAREHE 10.12.2014 MAJIRA YA SAA
13:20 MCHANA KATIKA MSAKO ULIOFANYIKA HUKO KATIKA ENEO LA KASUMULU MPAKANI,
KATA YA NGANA, TARAFA YA NTEMBELA, WILAYA YA KYELA, MKOA WA MBEYA. TARATIBU ZA
KUWAKABIDHI IDARA YA UHAMIAJI KWA HATUA ZAIDI ZA KISHERIA ZINAENDELEA.
KATIKA MSAKO WA PILI, JESHI LA POLISI MKOA WA MBEYA LAKAMATA POMBE HARAMU
YA MOSHI [GONGO] UJAZO WA LITA 10
IKIWA KWENYE BAISKELI BAADA YA KUFANYIKA MSAKO MNAMO TAREHE 10.12.2014 MAJIRA YA SAA
11:30 ASUBUHI HUKO KATIKA ENEO LA NDANDALO, KATA YA KYELA, TARAFA YA
UNYAKYUSA, WILAYA KYELA, MKOA WA MBEYA. MTUHUMIWA ALIKIMBIA MARA BAADA YA
KUWAONA ASKARI NA KUTELEKEZA POMBE HIYO NA BAISKELI. JITIHADA ZA KUMTAFUTA
ZINAENDELEA.
KAMANDA WA POLISI MKOA WA MBEYA KAMISHINA MSAIDIZI
MWANDAMIZI WA POLISI AHMED Z. MSANGI ANATOA
WITO KWA WAGENI KUFUATA TARATIBU ZA KUINGIA NCHINI KIHALALI ILI KUEPUKA
MATATIZO. AIDHA ANAENDELEA KUTOA WITO KWA WANANCHI KUACHA KUJIHUSISHA NA
UUZAJI/UPIKAJI WA POMBE YA MOSHI KWANI NI KINYUME CHA SHERIA NA NI HATARI KWA
AFYA YA MTUMIAJI.
Imesainiwa
na:
[AHMED Z.
MSANGI – SACP]
KAMANDA
WA POLISI MKOA WA MBEYA.
EmoticonEmoticon