TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 27.10.2014.

· MTEMBEA KWA MIGUU AFARIKI DUNIA BAADA YA KUGONGWA NA GARI JIJINI MBEYA.

· MTU MMOJA MKAZI WA AIRPORT JIJINI MBEYA ANASHIKILIWA NA JESHI LA POLISI AKIWA NA SILAHA BUNDUKI AINA YA SHORT GUN NA RISASI SABA.

· JESHI LA POLISI MKOA WA MBEYA LINAWASHIKILIWA WATU WAWILI WAKIWA NA BHANGI.

· JESHI LA POLISI MKOA WA MBEYA LINAWASHIKILIA WATU WATATU WAKIWA NA POMBE YA MOSHI LITA 30.

KATIKA TUKIO LA KWANZA:

MTEMBEA KWA MIGUU ALIYETAMBULIKA KWA JINA LA ATUSUNGUKILE MAHENGE (23) MKAZI WA UYOLE ALIFARIKI DUNIA PAPO HAPO BAADA YA KUGONGWA NA GARI ISIYOFAHAMIKA ILIYOKUWA IKIENDESHWA NA DEREVA ASIYEFAHAMIKA JINA WALA MAKAZI YAKE.

TUKIO HILO LIMETOKEA MNAMO TAREHE 26.10.2014 MAJIRA YA SAA 06:30 ASUBUHI HUKO NANE NANE DARAJANI, KATA YA UYOLE, TARAFA YA IYUNGA, JIJI NA MKOA WA MBEYA. CHANZO CHA AJALI KINACHUNGUZWA. DEREVA ALIKIMBIA MARA BAADA YA AJALI NA JITIHADA ZA KUMTAFUTA ZINAENDELEA. MWILI WA MAREHEMU UMEHIFADHIWA HOSPITALI YA RUFAA MBEYA.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA MADEREVA NA WATUMIAJI WENGINE WA VYOMBO VYA MOTO KUWA MAKINI WANAPOTUMIA VYOMBO HIVYO IKIWA NI PAMOJA NA KUZINGATIA SHERIA NA ALAMA ZA USALAMA BARABARANI ILI KUEPUKA AJALI ZINAZOEPUKIKA. AIDHA ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA [DEREVA] KUZITOA KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.

KATIKA TUKIO LA PILI:

MTU MMOJA AITWAYE EMANUEL MWAKEJA (27) MKAZI WA PAMBOGO – AIRPORT ALIKUTWA AKIWA NA SILAHA BUNDUKI MOJA AINA YA SHORT GUN IKIWA NA RISASI SABA [07] NYUMBANI KWAKE BAADA YA KUPEKULIWA.

MTUHUMIWA HUYO ALIKAMATWA MNAMO TAREHE 26.10.2014 MAJIRA YA SAA 18:40 JIONI HUKO PAMBOGO, KATA YA IYELA, TARAFA YA IYUNGA, JIJI NA MKOA WA MBEYA. INADAIWA KUWA, MNAMO TAREHE 26.10.2014 MAJIRA YA SAA 17:45 HUKO MAENEO YA UWANJA WA SOKOINE, KATA NA TARAFA YA SISIMBA, JIJI NA MKOA WA MBEYA MTU MMOJA AITWAYE ALFONCE MWAKASEGE (38) MKAZI WA MAKUNGURU ALIGUNDUA KUIBWA KWA PIKIPIKI YAKE YENYE NAMBA ZA USAJILI T.683 BDM AINA YA KINGLION NA KUFANIKIWA KUWAKAMATA WATU WAWILI AMBAO NI 1. JOSEPH KIGULU (24) MKAZI WA AIRPORT NA 2. JUMA NELSON (31) MKAZI WA IYELA.

WATUHUMIWA HAO BAADA YA KUKAMATWA NA KUHOJIWA WALIDAI KUWA PIKIPIKI HIYO IPO NYUMBANI KWA EMANUEL MWAKEJA NA WALIPOKWENDA WALIIKUTA NJE NA KUFANIKIWA KUMKAMATA MTUHUMIWA. MTUHUMIWA HUYO ALIPEKULIWA NYUMBANI KWAKE NA NDIPO ALIKUTWA NA SILAHA BUNDUKI MOJA AINA YA SHORT GUN NA RISASI SABA IKIWA IMEWEKWA CHINI YA GODORO CHUMBANI KWAKE.

TAARIFA ZA MISAKO:

KATIKA MSAKO WA KWANZA, MTU MMOJA AITWAYE ALBERT LAISON (31) MKAZI WA LUALAJE ANASHIKILIWA NA JESHI LA POLISI MKOA WA MBEYA AKIWA NA BHANGI NUSU DEBE.

MTUHUMIWA HUYO ALIKAMATWA MNAMO TAREHE 25.10.2014 MAJIRA YA SAA 09:00 ASUBUHI HUKO KATIKA KITONGOJI CHA KABUTA, KIJIJI CHA LUALAJE, KATA YA LUALAJE, TARAFA YA KIPEMBAWE, WILAYA YA CHUNYA, MKOA WA MBEYA KATIKA MSAKO ULIOFANYIKA MAENEO HAYO. MTUHUMIWA NI MUUZAJI WA BHANGI HIYO, TARATIBU ZA KUMFIKISHA MAHAKAMANI ZINAENDELEA.

AIDHA, KATIKA MSAKO WA PILI, MTU MMOJA ALIYEFAHAMIKA KWA JINA LA MASHAKA ALLY (19) MKAZI WA CHIMALA ANASHIKILIWA NA JESHI LA POLISI MKOA WA MBEYA AKIWA NA BHANGI DEBE MOJA NA NUSU.

MTUHUMIWA ALIKAMATWA MNAMO TAREHE 25.10.2014 MAJIRA YA SAA 13:20 MCHANA HUKO CHECK POINT – INYALA, KATA YA INYALA, TARAFA YA TEMBELA, WILAYA YA MBALIZI, MKOA WA MBEYA. MTUHUMIWA ALIKUTWA NA BHANGI HIYO ALIYOKUWA AMEIWEKA KWENYE MFUKO WA SULPHATE AKIWA ANAISAFIRISHA KUTOKA CHIMALA KWENDA MBEYA MJINI KWA MAUZO. MTUHUMIWA NI MUUZAJI NA MTUMIAJI WA BHANGI HIYO, TARATIBU ZA KUMFIKISHA MAHAKAMANI ZINAENDELEA.

KATIKA MSAKO WA TATU, WATU WATU WALIOFAHAMIKA KWA MAJINA YA 1. JULIUS CHUWALO (56) 2. EDINA CHARLES (44) NA 3. EVA MSOKWA (40) WOTE WAKAZI WA MLOWO WAKIWA NA POMBE YA MOSHI UJAZO WA LITA 30 NA MTAMBO MMOJA WA KUTENGENEZEA POMBE HIYO HARAMU.

WATUHUMIWA HAO WALIKAMATWA MNAMO TAREHE 25.10.2014 MAJIRA YA SAA 08:00 KATIKA MSAKO ULIOFANYIKA HUKO KATIKA KIJIJI CHA MLOWO, KATA YA MLOWO, TARAFA YA VWAWA, WILAYA YA MBOZI, MKOA WA MBEYA. WATUHUMIWA NI WAUZAJI WA POMBE HIYO.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUTUMIA DAWA ZA KULEVYA NA POMBE HARAMU YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI. AIDHA, ANATOA WITO KWA WANANCHI KUENDELEA KUTOA TAARIFA ZA MTU/WATU AU MTANDAO WA WATU WANAOJIHUSISHA NA UUZAJI NA USAMBAZAJI WA BIDHAA HARAMU ILI WAKAMATWE NA HATUA ZA KISHERIA ZICHUKULIWE DHIDI YAO.

Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.