TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 17.04.2014.
·
MFANYABIASHARA MMOJA AUAWA KWA KUCHOMWA KISU
KICHWANI NA WATU WASIOFAHAMIKA.
·
MWANAFUNZI WA SHULE YA MSINGI AFARIKI DUNIA
BAADA YA KUGONGWA NA GARI.
·
WATU WATANO WANASHIKILIWA NA JESHI LA POLISI
MKOA WA MBEYA WAKIWA NA POMBE KALI ZILIZOPIGWA MARUFUKU NA SERIKALI.
KATIKA TUKIO LA KWANZA:
MTU MMOJA
ALIYEFAHAMIKA KWA JINA LA PETTER
MWAMBENE (38) MFANYABIASHARA YA KUBADILISHA FEDHA KIENYEJI, MKAZI WA
KALOLENI – TUNDUMA WILAYA YA MOMBA ALIUAWA KWA KUCHOMWA KISU KICHWANI NA
KISOGONI NA WATU WASIOFAHAMIKA.
TUKIO HILO
LIMETOKEA HUKO KATIKA MTAA WA KALOLENI, KATA NA TARAFA YA TUNDUMA, WILAYA YA
MOMBA MNAMO TAREHE 16.04.2014 MAJIRA
YA SAA 20:00 USIKU. WATU HAO KABLA
YA KUFANYA TUKIO HILO WALIMVIZIA MAREHEMU NJIANI KATIKA UCHOCHORO WAKATI
ANARUDI NYUMBANI AKIWA UMBALI WA MITA CHACHE KABLA YA KUFIKA KWAKE NA KUMVAMIA
KISHA KUMSHAMBULIA. AIDHA INADAIWA KUWA MAREHEMU BAADA YA KUPEKULIWA KATIKA
MIFUKO YAKE ALIKUTWA NA KIASI CHA FEDHA DOLA ZA KIMAREKANI 1,460.
MSAKO MKALI
UNAFANYWA NA ASKARI WA TUNDUMA – TANZANIA KWA KUSHIRIKIANA NA ASKARI WA NAKONDE
– ZAMBIA ILI KUWABAINI NA KUWAKAMATA WALIOHUSIKA NA TUKIO HILI.
KAMANDA WA
POLISI MKOA WA MBEYA KAMISHNA MSAIDIZI MWANDAMIZI WA POLISI AHMEDI Z. MSANGI ANATOA WITO KWA YEYOTE
MWENYE TAARIFA JUU YA ALIYEHUSIKA NA TUKIO HILO AZITOA KATIKA MAMLAKA HUSIKA
ILI AKAMATWE/WAKAMATWE NA HATUA ZA
KISHERIA ZICHUKULIWE DHIDI YAKE.
KATIKA TUKIO LA PILI:
MWANAFUNZI WA
DARASA LA TANO KATIKA SHULE YA MSINGI IKUTI JIJINI MBEYA ALIYEFAHAMIKA KWA JINA
LA HAPPY SAMSON (12) AMEFARIKI DUNIA
PAPO HAPO BAADA YA KUGONGWA GARI LENYE NAMBA ZA USAJILI T.766 ADJ AINA YA
TOYOTA LAND CRUISER LILILOKUWA LIKIENDESHWA NA EDWARD MOSES.
AJALI HIYO
ILITOKEA MNAMO TAREHE 16.04.2014
MAJIRA YA SAA 16:00 JIONI HUKO
KATIKA ENEO LA IYUNGA, KATA NA TARAFA YA IYUNGA, JIJI NA MKOA WA MBEYA. CHANZO
CHA AJALI BADO KINACHUNGUZWA. DEREVA AMEKAMATWA, GARI LIPO KITUONI.
MWILI WA
MAREHEMU UMEHIFADHIWA KATIKA HOSPITALI YA RUFAA MBEYA.
KAMANDA WA
POLISI MKOA WA MBEYA KAMISHNA MSAIDIZI MWANDAMIZI WA POLISI AHMEDI Z. MSANGI ANATOA WITO MADEREVA
KUZINGATIA SHERIA NA ALAMA ZA USALAMA BARABARANI WANAPOTUMIA VYOMBO VYA MOTO
ILI KUEPUKA AJALI ZINAZOWEZA KUEPUKIKA. AIDHA ANATOA WITO KWA WATUMIAJI WENGINE
WA BARABARA KUZINGATIA SHERIA NA ALAMA ZA BARABARANI IKIWA NI PAMOJA NA KUVUKA
SEHEMU YENYE VIVUKO [ZEBRA CROSSING] ILI KUEPUKA AJALI.
KATIKA MISAKO:
JESHI LA POLISI
MKOA WA MBEYA LINAWASHIKILIA WATU WATANO 1.
HURUMA LWANJI (27) MFANYABIASHARA 2.
BETTY EVOD (19) 3. YOHANA BENEDICTO
(27) WOTE WAKAZI WA KIJIJI CHA MWAOGA 4.
NEEMA MWANDOLELA (26) NA 5. PATRICIA
MWANDANJI (35) WOTE WAKAZI WA KIJIJI CHA MAMBA WAKIWA NA POMBE KALI
ZILIZOPIGWA MARUFUKU NA SERIKALI 1. RIDDER PAKETI 139, DOUBLE PUNCH PAKETI 42,
CHARGER PAKETI 02 NA BOSS WHISKY PAKETI 31.
WATUHUMIWA HAO
WALIKAMATWA KATIKA MSAKO ULIOENDESHWA NA JESHI LA POLISI MNAMO TAREHE 16.04.2014 MAJIRA YA KUANZIA SAA 17:30 HADI SAA 18:15 JIONI HUKO KATIKA
VIJIJI VYA MWAOGA NA MAMBA, KATA YA MAKONGOLOSI, TARAFA YA KIPEMBAWE, WILAYA
CHUNYA, MKOA WA MBEYA.
TARATIBU ZA
KUWAFIKISHA MAHAKAMANI WATUHUMIWA ZINAENDELEA.
KAMANDA WA
POLISI MKOA WA MBEYA KAMISHNA MSAIDIZI MWANDAMIZI WA POLISI AHMEDI Z. MSANGI ANATOA WITO KWA
WAFANYABIASHARA KUACHA MARA MOJA KUJIHUSISHA NA UUZAJI/USAMBAZAJI WA BIDHAA
ZILIZOPIGWA MARUFUKU NA SERIKALI KWANI KINYUME CHA SHERIA NA NI HATARI KWA AFYA
YA MTUMIAJI. AIDHA ANAENDELEA KUTOA WITO KWA WANANCHI KUTOA TAARIFA KATIKA
MAMLAKA HUSIKA ZA MTU/WATU WANAOJIHUSISHA NA UUZAJI/USAMBAZAJI WA BIDHAA HIZO
ILI WAKAMATWE NA HATUA KALI ZA KISHERIA ZICHUKULIWE DHIDI YAO.
Signed by:
[AHMED Z. MSANGI – SACP]
KAMANDA WA POLISI MKOA WA MBEYA.
EmoticonEmoticon