TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 07.04.2014
·
MWANAFUNZI WA KIDATO CHA KWANZA AFARIKI DUNIA
BAADA YA KUTUMBUKIA KATIKA SHIMO LENYE MAJI.
·
JESHI LA POLISI MKOA WA MBEYA LINAMSHIKILIA MTU
MMOJA AKIWA NA BHANGI.
KATIKA TUKIO LA PILI:
MWANAFUNZI WA
SHULE YA SEKONDARI NANDANGA KIDATO CHA KWANZA ALIYEFAHAMIKA KWA JINA LA LUKAS MSUKWA (16) ALIFARIKI DUNIA BAADA
YA KUTUMBUKIA KATIKA SHIMO LA MAJI LILILOCHIMBWA NA WATENGENEZA BARABARA YA
MPEMBA HADI WILAYANI ILEJE.
TUKIO HILO
LIMETOKEA MNAMO TAREHE 05.04.2014
MAJIRA YA SAA 13:00 MCHANA HUKO
KATIKA KIJIJI CHA NANDANGA, WILAYA YA MOMBA. INADAIWA KUWA CHANZO CHA TUKIO
HILO NI BAADA YA MAREHEMU KUTELEZA NA KUTUMBUKIA KATIKA SHIMO HILO LENYE UREFU
WA KINA KATI YA FUTI 20 NA ZAIDI AMBALO LILIKUWA NA MAJI.
KAMANDA WA
POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII
KUFUKIA MASHIMO YALIYO WAZI BAADA YA KUTUMIKA KWANI NI HATARI KWA WATOTO NA
HATA WATU WAZIMU. AIDHA ANATOA WITO KWA WAZAZI/WALEZI KUWA MAKINI NA WATOTO WAO
HASA WALE WANAOISHI JIRANI NA MITO/MABWAWA KUTOWARUHUSU KUSOGELEA MAENEO YENYE
MAJI KWANI NI HATARI KWA MAISHA YAO.
TAARIFA YA MSAKO:
JESHI LA POLISI
MKOA WA MBEYA LINAMSHIKILIA MTU MMOJA ALIYEFAHAMIKA KWA JINA LA FESTO SALILE (39) MKAZI WA MBUGANI AKIWA NA BHANGI KETE 10 SAWA NA UZITO WA GRAMU
50.
MTUHUMIWA
ALIKAMATWA KATIKA MSAKO ULIOFANYIKA MNAMO TAREHE 05.04.2014 MAJIRA YA SAA 15:30
ALASIRI HUKO KATIKA KIJIJI NA KATA YA MALEZA, TARAFA YA KWIMBA, WILAYA YA
CHUNYA. MTUHUMIWA NI MUUZAJI NA MTUMIAJI WA BHANGI HIYO, TARATIBU ZA KUMFIKISHA
MAHAKAMAI ZINAENDELEA.
KAMANDA WA
POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII
KUACHA KUTUMIA DAWA ZA KULEVYA KWANI NI KINYUME CHA SHERIA NA NI HATARI KWA
AFYA YA MTUMIAJI.
Signed by:
[AHMED Z. MSANGI – SACP]
KAMANDA WA POLISI MKOA WA MBEYA.
EmoticonEmoticon