TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 08.04.2014.
·
MLINZI WA KAMPUNI BINAFSI YA ULINZI AUAWA NA
WATU WASIOFAHAMIKA.
·
MTEMBEA KWA MIGUU AFARIKI DUNIA BAADA YA
KUGONGWA NA GARI.
KATIKA TUKIO LA KWANZA:
MLINZI MMOJA WA
KAMPUNI BINAFSI ALIYEFAHAMIKA KWA JINA LA HAMISI
RAMADHAN (50) MKAZI WA SOGEA
ALIUAWA KWA KUPIGWA NA KITU KIZITO KICHWANI NA WATU WANAOSADIKIWA KUWA NI WEZI
AKIWA KAZINI.
TUKIO HILO
LIMETOKEA USIKU WA KUAMKIA LEO MAJIRA YA SAA 02:15 HUKO KATIKA ENEO LA MSIKITINI TUNDUMA, KATA NA TARAFA YA
TUNDUMA, WILAYA YA MOMBA, MKOA WA MBEYA.
INADAIWA KUWA,
WATU HAO KABLA YA KUTEKELEZA MAUAJI HAYO, WALIMVIZIA MHANGA WAKATI AMEKAA
KWENYE VARANDA MOJA WAPO KATI YA MADUKA
MAWILI ANAYOLINDA AKIOTA MOTO NA KUMPIGA. AIDHA WATU HAO WALIVUNJA MADUKA
MAWILI [DUKA LA DAWA NA DUKA LA FURNITURE] KWA LENGO LA KUIBA LAKINI
HAWAKUFANIKIWA KUCHUKUA KITU CHOCHOTE KWANI WALINZI WA MADUKA JIRANI WALITOA
TAARIFA KWA ASKARI WA DORIA AMBAO WALIANZA KUWAKIMBIZA WEZI HAO NA KUELEKEA
CHIANGA –NAKONDE ZAMBIA.
MSAKO MKALI UNAENDELEA
KWA USHIRIKIANO KATI YA POLISI WA TUNDUMA NA NAKONDE ILI KUWAKAMATA WATUHUMIWA
HAO AMBAO WAMETOKEA ENEO HILO. MWILI WA MAREHEMU UMEHIFADHIWA KITUO CHA AFYA
TUNDUMA.
KAMANDA WA
POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE
MWENYE TAARIFA ZA MAHALI WALIPO WATUHUMIWA WA TUKIO HILI WAZITOE KATIKA MAMLAKA
HUSIKA ILI WAKAMATWE NA HATUA ZA KISHERIA ZICHUKULIWE DHIDI YAO.3
KATIKA TUKIO LA PILI:
MTEMBEA KWA
MIGUU MMOJA ALIYEFAHAMIKA KWA JINA LA LAMECK
LUSAMBO (31) MKAZI WA IGAWA
AMEFARIKI DUNIA MUDA MFUPI BAADA YA KUGONGWA NA GARI LENYE NAMBA ZA USAJILI STK 6915 AINA YA TOYOTA LAND CRUISER MALI YA
WIZARA YA NISHATI NA MADINI
LILIKUWA LIKITOKEA MKOA WA NJOMBE KUELEKEA MBEYA MJINI LIKIENDESHWA NA DEREVA BALTAZAL NYAMBITI (45) MKAZI WA DSM.
AJALI HIYO
IMETOKEA MNAMO TAREHE 07.04.2014
MAJIRA YA SAA 09:30 ASUBUHI HUKO
KATIKA KIJIJI CHA IGAWA KATA YA LUGELELE, TARAFA YA RUJEWA WILAYA YA MBARALI
MKOA WA MBEYA, BARABARA KUU YA MBEYA /NJOMBE. INAELEZWA KUWA CHANZO CHA AJALI
NI MWENDO KASI, DEREVA AMEKAMATWA NA GARI LIPO KITUO CHA POLISI RUJEWA.
KAMANDA WA
POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA
MADEREVA KUWA MAKINI WANAPOTUMIA VYOMBO VYA MOTO KWA KUZINGATIA/KUFUATA SHERIA
NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA.
Signed by:
[BARAKAEL MASAKI – ACP]
Kny: KAMANDA WA POLISI MKOA WA MBEYA.
EmoticonEmoticon