Alisema kuwa lengo la serikali kuunda kikosi hicho ilikuwa ni kupambana na ujangili ila tatizo limekuja katika usimamizi wa suala hilo.
Hivyo amesema kuwa anakubaliana na mawazo ya wabunge dhidi ya mawaziri hao ili kuchukua hatua kutokana na mazingira ya hayo yaliyozungumzwa.
Pinda alisema kuwa anaungana na mwanasheria wa serikali kuwa muda wa kamati hiyo ulikuwa ni mdogo hivyo ni vema kuendelea zaidi ili hatua stahiki kuchukuliwa kwa wahusika.
" Hapa ninaona kuna upungufu mkubwa wa mapungufu ya kisheria hivyo ni vema kuwapa watu ambao wana haiba ya kufanya kazi hiyo ili kutumia muda japo wa mwezi mmoja ili kuchukua hatua"
Alisema kuwa baada ya kupokea maoni ya wabunge yeye kama waziri mkuu alipata kukutana na mawaziri wanne waliotajwa na kuwashauri kuchukua hatua.
Mawaziri hao ni waziri wa maliasili na utalii, waziri wa jeshi la kujenga Taifa Shamsi Vuai Nahodha,waziri wa mambo ya ndani Dk Emmanuel Nchimbi, na waziri wa mifugo Mathayo David ambao kila mmoja amejieleza yake.
Alisema kuwa kwa upande wa waziri David Mathayo amepata kujieleza ni namna gani anapaswa kuwajibika kwa oparesheni tokomeza ama hapaswi kujiuzulu.
Pia alisema amepata kuzungumza na Rais Dr Jakaya Kikwete na yeye ameunga mkono mawazo ya wabunge na kutaka watendaji ambao wamehusika wachukuliwe hatu .
Pia alisema kuwa Rais Kikwete amekubali kutengua uteuzi wa mawaziri wote wanne akiwemo waziri Mathayo
EmoticonEmoticon