MWINYI - MMOMOMYOKO WA MAADILI NA UBINAFSI UNACHANGIA WAZEE WASIOJIWEZA KUTENGWA NA JAMII

Rais mstaafu Alhaji Ali Hassan Mwinyi  amesema suala la mmomonyoko wa maadili, kupotea kwa umoja na misingi ya jadi na ujamaa kutokana na kuwepo kwa ubinafsi katika jamii kumechangia taifa kupoteza mwelekeo wake katika suala zima la kuwasaidia wazee wasiojiweza hususan wanaoishi maeneo ya mijini.

ALHAJI ALI HASSAN MWINYI-Rais Mstaafu Tanzania

Alhaj Mwinyi ametoa kauli hiyo wakati alipokuwa akizungumza kwenye hafla ya chakula cha jioni iliyoandaliwa na asasi ya Tushikamane Pamoja Foundation (TPF)  kwa ajili ya kuchangisha fedha za ujenzi wa makazi ya wazee jijini Dar es Salaam yatakayogharimu shilingi milioni 300.

Amesema kukithiri kwa ubinafsi miongoni mwa wananchi kumesababisha wazee kukosa huduma muhimu ikiwemo malazi, mavazi, huduma za afya pamoja na chakula cha uhakika na hivyo wengi wao kuamua kukimbilia mitaani na kugeuka kuwa ombaomba.

ALHAJI ALI HASSAN MWINYI- Rais Mstaafu Tanzania

 Ameyaomba mashirika na watu binafsi kuunganisha nguvu zao na kujitoa kwa hali na mali katika kuchangia maendeleo ya wazee kwani wazee  ni rasimali, kielelezo cha hekima bora na ngao kwa taifa na kwamba taifa lisilothamini wazee ni sawa na  kupoteza historia, mila na utamaduni wake.

BALOZI JUMA MWAPACHU - AKISIKILIZA KINACHOENDELEA KWENYE MKUTANO HUO.

 Awali Mwenyekiti wa Taasisi ya Tushikamane Bi Rose Mwapachu na mlezi wa asasi hiyo Bi Aisha Bilal walisema kwamba asasi hiyo imekwishawafikia wazee 36 jijini  Dar es Salaam tangu kuanzishwa kwake ambapo wamekuwa wakitoa misaada ya kibinadamu ikiwemo lishe, mavazi na huduma za afya kila mwezi.

ROSE MWAPACHU - Mkiti TPF

AISHA BILAL - Mlezi TPF

WADAU MBALI MBALI WAKITETA JAMBO KWENYE MKUTANO HUO

• Twitter
• Facebook
• Google
• Tumblr
• Pinterest