Taarifa za mazishi ya mnenguaji maarufu
kwenye familia ya muziki wa dansi Tanzania Aisha Mohamed Mbegu maarufu
kama ‘Aisha Madinda’ zimeahirishwa kutokana na upelelezi wa Polisi
unaoendelea juu ya kifo cha marehemu kwani kumekuwa na utata juu ya kifo
cha mwanadada huyo kilivyotokea.
ALIYEKUWA mnenguaji na mwimbaji wa Bendi
ya Twanga Pepeta, Aisha Madinda aliyefariki jana asubuhi, atazikwa
kesho mchana badala ya leo kama ilivyokuwa imepangwa hapo awali.
Mtoto wa kwanza marehemu, Feisal amesema
kuwa polisi wamesema ni lazima mwili wa mama yake ufanyiwe upasuaji
(postmortem) ili kujua chanzo cha kifo chake.
Awali ndugu wa marehemu walisema
hawahitaji Asha Madinda afanyiwe upasuaji, lakini baada ya polisi
kutembelea eneo la tukio la kifo chake huko Mabibo, wamesema ni lazima
upasuaji ufanyike.
Feisal amesema upasuaji unatarajiwa
kufanyika leo mchana hali inayowalazimisha kubadili ratiba ya mazishi.
Aisha Madinda sasa atazikwa kesho mchana baada ya sala ya Ijumaa.
EmoticonEmoticon