WATU WATATU WAUAWA KWA KUPIGWA KATIKA MATUKIO MATATU TOFAUTI MKOANI MBEYA

TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 29.09.2014.

· WATU WATATU WAUAWA KWA KUPIGWA KATIKA MATUKIO MATATU TOFAUTI MKOANI MBEYA.

KATIKA TUKIO LA KWANZA:

MTU MMOJA ALIFAHAMIKA KWA JINA MOJA LA KABOTE (41) MKAZI WA MWANAVALA WILAYANI MBARALI ALIUAWA KWA KUCHOMWA MIKUKI SEHEMU MBALIMBALI ZA MWILI WAKE NA MTU MMOJA ALIYEFAHAMIKA KWA JINA LA NYAMANIENGO KINANGA AMBAYE NI MMILIKI WA KLABU CHA POMBE ZA KIENYEJI.

TUKIO HILO LIMETOKEA MNAMO TAREHE 28.09.2014 MAJIRA YA SAA 23:00 USIKU HUKO KATIKA KLABU CHA POMBE ZA KIENYEJI, KIJIJI CHA MWANAVALA, KATA YA IMALILO SONGWE, TARAFA YA RUJEWA, WILAYA YA MBARALI, MKOA WA MBEYA. INADAIWA KUWA, CHANZO CHA TUKIO HILO NI BAADA YA MAREHEMU KUSHINDWA KULIPA KIASI CHA TSHS. 500 ALIYOKUWA AKIDAIWA BAADA YA KUNYWA POMBE KLABUNI HAPO.

WATU 13 WANASHIKIRIWA KWA MAHOJIANO KUHUSIANA NA TUKIO HILI KWANI BAADA YA MAREHEMU KUSHINDWA KULIPA FEDHA HIYO, WATU HAO 13 WALIOKUWEPO ENEO HILO WALIANZA KUMKIMBIZA MAREHEMU HUKU WAKIPEGA KELELE. MSAKO MKALI UNAENDELEA KUWATAFUTA WATUHUMIWA WENGINE WA TUKIO HILI KWANI WANAFAHAMIKA NA WALIKIMBIA MARA BAADA YA TUKIO.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA WA TUKIO HILI AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE.

KATIKA TUKIO LA PILI:

MTU MMOJA ALIYEFAHAMIKA KWA JINA LA AMBUMBULWISYE MWASOMOLA (35) MUINJILISTI NA MKAZI WA KIJIJI CHA LUKASI ALIUAWA KWA KUPIGWA NA MCHI WA KUTWANGIA SEHEMU ZA KICHWANI NA MTU ALIYEFAHAMIKA KWA JINA LA SWALAPO MWAISANILA (56) MKAZI WA KIJIJI CHA LWANGWA AMBAYE NI MGONJWA WA AKILI.

TUKIO HILO LIMETOKEA MNAMO TAREHE 27.09.2014 MAJIRA YA SAA 23:30 USIKU HUKO KATIKA KIJIJI CHA LUKASI, KATA YA LWANGWA, TARAFA YA BUSOKELO, WILAYA YA RUNGWE, MKOA WA MBEYA. CHANZO CHA TUKIO HILO NI BAADA YA MAREHEMU AMBAYE NI MUINJILISTI WA KANISA LA BAPTISTI KUTAKA KUMFANYIA MAOMBI MTUHUMIWA HUYO KUTOKANA NA UGONJWA WA AKILI ALIOKUWA NAO NA NDIPO MTUHUMIWA ALICHUKUA MCHI NA KUMPIGA NAO MAREHEMU KICHWANI NA KUPELEKEA KIFO CHAKE. MTUHUMIWA AMEKAMATWA.

KATIKA TUKIO LA TATU:

MTU MMOJA ALIYEFAHAMIKA KWA JINA LA RICHARD NELSON FWAMBO (50) MKAZI WA UTAMBALILA WILAYA YA MBARALI ALIUAWA KWA KUKATWA NA KITU CHENYE NCHA KALI SEHEMU ZA KICHWANI NA MTU ALIYEFAHAMIKA KWA JINA LA KHAMIS MGALA (32) MKAZI WA MLOWO – MBOZI AMBAYE NI MTOTO WAKE WA KAMBO.

TUKIO HILO LIMETOKEA MNAMO TAREHE 28.09.2014 MAJIRA YA SAA 01:00 USIKU HUKO KATIKA KITONGOJI CHA MAGAMBA, KIJIJI CHA UTAMBALILA, KATA YA NAMBIZO, TARAFA YA ITAKA, WILAYA YA MBOZI, MKOA WA MBEYA. INADAIWA KUWA MTUHUMIWA KABLA YA KUTEKELEZA TUKIO HILO, ALIVUNJA MLANGO NA KUINGIA NDANI NA KUANZA KUMSHAMBULIA MAREHEMU AMBAYE ALIKUWA AMELALA NDANI YA NYUMBA YAKE AKIWA NA MKE WAKE AITWAYE YUSTINA KASHAPAMBA@NAKAMANGA (40) MKAZI WA UTAMBALILA AMBAYE NI MAMA MZAZI WA MTUHUMIWA.

CHANZO CHA TUKIO HILO, INADAIWA KUWA MTUHUMIWA ALIKUWA HATAKI/HAPENDI MAMA YAKE HUYO KUISHI NA MAREHEMU AMBAYE NI BABA YAKE WA KAMBO BAADA YA BABA YAKE MZAZI KUFARIKI. MWILI WA MAREHEMU UMEKUTWA NA MAJERAHA MANNE SEHEMU ZA KICHWANI.

AIDHA, INADAIWA KUWA MTUHUMIWA KWA MUDA MREFU HAKUONEKANA KIJIJINI HAPO LAKINI GHAFLA SIKU MOJA KABLA YA TUKIO HILO ALIONEKANA. TAARIFA ZA AWALI ZINADAI KUWA, MTUHUMIWA KIPINDI CHA NYUMA ALIWAHI KUMJERUHI MAMA YAKE PAMOJA NA MAREHEMU. MSAKO MKALI UNAENDELEA WA KUMTAFUTA MTUHUMIWA KWANI ALIKIMBIA NA KUTOKOMEA KUSIKOJULIKANA.

Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.