TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 25.04.2014.
·
MTU MMOJA AUAWA KWA KUPIGWA NA KITU KIZITO
KICHWANI WILAYA NI KYELA.
·
JESHI LA POLISI MKOA WA MBEYA LINAWASHIKILIA
WATU WATANO KWA KOSA LA KUCHEZA KAMARI.
KATIKA TUKIO LA KWANZA:
MTU MMOJA
ALIYEFAHAMIKA KWA JINA LA ALLY
MWAKIBINYA (32) MKAZI WA MBUGANI
–KYELA ALIKUTWA AMEUAWA KWA KUPIGWA KITU KIZITO KICHWANI NA KWENYE TAYA LA
KULIA KISHA MWILI WAKE KUTUPWA MTO
KIWIRA NA MTU ALIYEFAHAMIKA KWA JINA LA ZAIRE
MWAKIPESILE, MKAZI WA KIJIJI CHA IBANDA PAMOJA NA WENZAKE.
TUKIO HILO
LILMETOKEA MNAMO TAREHE 24.04.2014
MAJIRA YA SAA 11:00 ASUBUHI HUKO
KATIKA KIJIJI CHA LUBELE, KATA YA BUSALE, TARAFA YA UNYAKYUSA, WILAYA YA KYELA MKOA WA MBEYA. MAREHEMU AMBAYE ALIKUWA MKATA NYASI ALIKAMATWA NA WATUHUMIWA TAREHE 23.04.2014 KWA TUHUMA ZA KUKATA NYASI NA MTAMA KWENYE
SHAMBA LA ZAIRE MWAKIPESILE NA
KUDAI WANAMPELEKA POLISI KISHA KUMUUA NJIANI. WATUHUMIWA WAMETOROKA
KIJIJINI HAPO NA JUHUDI ZA KUWATAFUTA ZINAENDELEA.
KAMANDA WA
POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE
MWENYE TAARIFA ZA MAHALI WALIPO WATUHUMIWA WA TUKIO HILI AZITOE KATIKA MAMLAKA
HUSIKA ILI WAKAMATWE NA HATUA ZA KISHERIA ZICHUKULIWE MARA MOJA.
KATIKA MSAKO:
JESHI LA POLISI
MKOA WA MBEYA LINAWASHIKILIA WATU WATANO AMBAO NI 1. MICHAEL MOSE (21) 2. NASSONO HASSAN (22) 3. KURWA IDDY (21)
4. HUSSEIN JUMANNE (18) WOTE WAKAZI
WA SOKOMATOLA NA 5. HASSAN MTANGA (22)
MKAZI WA GHANA KWA KOSA LA KUCHEZA KAMARI.
WATUHUMIWA HAO
WALIKAMATWA MNAMO TAREHE 24.04.2014 MAJIRA
YA SAA 13:45 MCHANA HUKO ENEO LA
SOKOMATOLA, KATA YA SOKOMATOLA, TARAFA YA SISIMBA, JIJI NA MKOA WA MBEYA.
WATUHUMIWA WALIKAMATWA NA PESA TASLIMU KIASI CHA TSHS 21,250/=. TARATIBU ZA KUWAFIKISHA MAHAKAMANI ZINAFANYIKA.
KAMANDA WA
POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII
KUACHA KUCHEZA KAMARI KWANI NI KINYUME CHA SHERIA NA BADALA YAKE WATUMIE MUDA
HUO KUFANYA SHUGHULI NYINGINE ZA MAENDELEO.
Signed by:
[AHMED Z. MSANGI – SACP]
KAMANDA WA POLISI MKOA WA MBEYA.
EmoticonEmoticon