TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 19.04.2014.
·
MTU ASIYEFAHAMIKA JINA WALA MAKAZI YAKE AUAWA
KWA KUKATWA NA KITU CHENYE NCHA KALI NA WATU WASIOFAHAMIKA.
·
MTEMBEA KWA MIGUU ASIYEFAHAMIKA JINA AFARIKI
DUNIA BAADA YA KUGONGWA NA GARI.
·
JESHI LA POLISI MKOA WA MBEYA LINAWASHIKILIA WATU
WAWILI WAKIWA NA BHANGI.
KATIKA TUKIO LA KWANZA:
MTU AMBAYE HAKUWEZA KUFAHAMIKA JINA WALA MAKAZI YAKE
JINSI YA KIUME, MWENYE UMRI KATI
YA MIAKA 30-35 ALIKUTWA AMEUAWA KWA KUKATWA NA KITU CHE NCHA KALI SEHEMU
MBALIMBALI ZA MWILI WAKE NA MTU/WATU WASIOFAHAMIKA KISHA MWILI WAKE KUTUPWA
KWENYE KORONGO.
TUKIO HILO LIMETOKEA MNAMO TAREHE 18.04.2014 MAJIRA YA SAA 11:00
ASUBUHI HUKO KATIKA KITONGOJI CHA ITAKA, KIJIJI CHA ICHENJEZYA, KATA NA
TARAFA YA VWAWA, WILAYA YA MBOZI MKOA WA MBEYA. MWILI WA MAREHEMU ULIKUTWA NA
MAJERAHA SEHEMU MBALIMBALI ZA MWILI WAKE. MWILI WA MAREHEMU UMEHIFADHIWA KATIKA
HOSPITALI YA WILAYA YA MBOZI. CHANZO CHA TUKIO HILI BADO KINACHUNGUZWA.
KAMANDA WA POLISI MKOA WA MBEYA KAMISHNA MSAIDIZI
MWANDAMIZI WA POLISI AHMED Z. MSANGI
ANATOA WITO MTU YEYOTE MWENYE TAARIFA ZA MTU/WATU WALIOHUSIKA NA TUKIO HILI
AZITOE KATIKA MAMLAKA HUSIKA ILI WAKAMATWE NA HATUA ZA KISHERIA ZICHUKULIWE
DHIDI YAO.
KATIKA TUKIO LA PILI:
MTEMBEA KWA MIGUU ASIYEFAHAMIKA JINA WALA MAKAZI YAKE,
JINSI YA KIUME MWENYE UMRI KATI YA
MIAKA 30- 35 ALIFARIKI DUNIA
PAPO HAPO BAADA YA KUGONGWA NA GARI AMBALO HALIKUWEZA KUFAHAMIKA NAMBA ZAKE ZA
USAJILI WALA JINA NA MAKAZI YA DEREVA WAKE.
TUKIO HILO LIMETOKEA MNAMO TAREHE 18.04.2014 MAJIRA YA SAA 19:30
JIONI HUKO KATIKA MTAA WA MWAKAPANGALA, KIJIJI CHA MWASHIWAWALA, KATA YA
UTENGULE /USONGWE, TARAFA YA BONDE LA USONGWE, WILAYA YA MBEYA VIJIJNI, MKOA WA
MBEYA KATIKA BARABARA YA MBEYA/TUNDUMA.
CHANZO CHA AJALI KINACHUNGUZWA, JUHUDI ZA KUMTAFUTA
MTUHUMIWA WA TUKIO HILI ZINAENDELEA.
KAMANDA WA POLISI MKOA WA MBEYA KAMISHNA MSAIDIZI
MWANDAMIZI WA POLISI AHMED Z. MSANGI
ANATOA WITO KWA KUWA MAKINI WANAPOTUMIA VYOMBO VYA MOTO KWA KUZINGATIA SHERIA
NA ALAMA ZA USALAMA BARABARANI ILI KUEPUKA AJALI ZINAZOWEZA KUEPUKIKA. AIDHA
ANATOA WITO KWA MTU YEYOTE MWENYE TAARIFA ZA MAHALI ALIPO MTUHUMIWA WA TUKIO
HILI AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE
DHIDI YAKE.
KATIKA MISAKO:
WATU WAWILI WALIOFAHAMIKA KWA MAJINA YA 1. ABRAHAM MPONGWE (37) NA 2. MONISLITA MAPUNDA (18) WOTE WAKAZI
WA CHIANGA – NAKONDE ZAMBIA WANASHIKILIWA NA JESHI LA POLISI MKOA WA MBEYA
WAKIWA NA BHANGI KETE 15 SAWA NA
UZITO WA GRAM 75.
WATUHUMIWA HAO WALIKAMATWA MNAMO TAREHE 18.04.2014 MAJIRA YA SAA 11:40 ASUBUHI KATIKA MSAKO ULIOFANYIKA
HUKO KATIKA MTAA WA MWAKA-TUNDUMA KATA
NA TARAFA YA TUNDUMA WILAYA YA MOMBA, MKOA WA MBEYA.
KAMANDA WA POLISI MKOA WA MBEYA KAMISHNA MSAIDIZI
MWANDAMIZI WA POLISI AHMED Z. MSANGI
ANATOA WITO KWA JAMII KUACHA KUTUMIA DAWA ZA KULEVYA KWANI NI KINYUME CHA
SHERIA NA NI HATARI KWA AFYA YA MTUMIAJI.
Signed by:
[AHMED Z. MSANGI – SACP]
KAMANDA WA POLISI MKOA WA MBEYA.
EmoticonEmoticon