Klabu ya Dar es salaam Young
Africans imekamilisha usajili wa mchezaji wa zamani wa Simba ambaye pia ni
mshambuliaji wa kimataifa wa Uganda Emanuel Arnold Okwi toka klabu ya Sports
Club Villa ya Uganda .
Taratibu za kumsajili mchezaji
huyo zimekamilika ambapo amesaini mkataba wa miaka miwili utakamomfanya
aichezee Yanga mpaka mwishoni mwa mwaka 2015 .
Usajili huu unafunga idadi ya
wachezaji wa kigeni wa Yanga ambapo anaungana na Didier Kavumbangu, Haruna
Niyonzima , Mbuyi Twite na Hamis Kiiza.
Zaidi ya hapo unakuwa usajili
wa mwisho wa Yanga katika dirisha dogo la usajili wakati huu ambao ligi
imesimama baada ya mapumziko ya kipindi cha sikuu baada ya kumalizika kwa
raundi ya kwanza . Dirisha hilo linafungwa usiku wa kuamkia tarehe 16 /12/2013
.
Okwi atachelewa kuungana na
wachezaji wenzie wa Yanga baada ya kulazimika kubaki nchini Uganda ambako
anamalizia upigaji picha za matangazo anayoyafanya kwa niaba ya kampuni moja ya
simu nchini humo ambayo Okwi ana mkataba nayo.
Okwi aliondoka Simba baada ya
kuuzwa kwenda klabu ya Etoile Du Sahel ya Tunisia ambayo hakukaa nayo muda
mrefu baada ya kuvunja mkataba kabla ya kuidhinishwa na FIFA kujiunga na Sports
Club ambayo leo hii imemuuza Okwi kwa ada ya uhamisho ya Dola Za Kimarekani
20,000.
Usajili huu unamfanya Okwi kuikosa michuano ya
kombe la mataifa ya Afrika kwa wachezaji wa ligi za nyumbani ambapo Uganda
itashiriki mashindano hayo huko Afrika kusini mwakani.
EmoticonEmoticon