Bi Valentine Mugure akiwa mahakamani Nyeri Juni 10, 2015. Picha/JOSEPH KANYI
Valentine
Mugure anayedaiwa kukata sehemu nyeti za mpenziwe mjini Nyeri
amefikishwa kortini na kukanusha mashtaka. Amewekwa rumande uchunguzi
ukiendelea.
Alidaiwa kumshambulia Bw Paul
Mwangi, 26, mhasibu wa Maathai Supermarket, na kumkata kwa kisu begani
na sehemu nyeti Jumanne asubuhi eneo la Gamerock karibu na mji wa Nyeri
kufuatia mzozo wa kinyumbani unaoaminika kuwa ulihusu pesa. Polisi
walimtia mbaroni muda mfupi baadaye.
MWANAMKE anayedaiwa kukata sehemu nyeti za mpenziwe mjini
Nyeri amefikishwa kortini na kushtakiwa kumshambulia na kumdhulumu
mwanamume huyo.
Valentine Mugure, 25 aliwasilishwa mbele ya Hakimu Mkazi J Aringo.
Mshtakiwa alikanusha mashtaka yaliyowasilishwa mahakamani na polisi.
Upande wa mashtaka uliwasilisha ombi
kuwa mshtakiwa awekwe rumande maanake mwathirika bado amelazwa katika
Hospitali ya Rufaa ya Nyeri katika hali mbaya baada ya kufanyiwa
upasuaji.
Hakimu Mkazi Aringo aliamua Mugure awekwe rumande akisubiri kutajwa kwa kesi hiyo Juni 15 mwezi huu.
EmoticonEmoticon