Tanzania
Prisons imemnasa aliyekuwa kocha msaidizi wa timu ya Taifa ya Tanzania
'Taifa Stars', Salum Mayanga na tayari ameanza kukinoa kikosi hicho
katika mazoezi yanayoendelea uwanja wa Magereza, Mbeya.
Meneja
wa Prisons, Enock Lupyuto ameshindwa kuthibitisha suala hilo akidai
yupo njiani kwenda Mbeya kutokea makao makuu Dar es salaam.
Hata
hivyo, maamuzi mengi ya Prisons yanafanyika makao makuu ya Magereza,
Ukonga, Dar es salaam na ujio wa Enock unaelezwa kuwa ni kuthibitisha
jina la Mayanga na kumuandalia mkataba.
Wakati
wowote, Prisons itathibitisha kuingia mkataba na Mayanga ambaye usiku
wa Juni 20 mwaka huu alitimuliwa kuinoa Stars yeye na bosi wake, Mart
Nooij.
EmoticonEmoticon