JAMHURI YA MUUNGANO WA TANZANIA
WIZARA YA MAMBO YA NDANI YA NCHI
JESHI LA POLISI TANZANIA.
 |
RPC. Ofisi ya Kamanda wa Polisi,
Mkoa wa
Mbeya,
Namba ya simu 2502572
S. L. P. 260,
Fax - +255252503734
MBEYA.
E-mail:- rp.cmbeya@tpf.go.tz
TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 15.02.2014.
·
MTU MMOJA AUAWA KWA KUPIGWA NA MTU/WATU
WASIOFAHAMIKA WILAYANI RUNGWE.
·
MWANAFUNZI WA KIDATO CHA TATU AFARIKI DUNIA
BAADA YA KUGONGWA NA GARI WILAYANI MBOZI.
·
MTU MMOJA ANASHIKILIWA NA JESHI LA POLISI MKOANI
MBEYA AKIWA NA POMBE HARAMU YA MOSHI.
·
MTU MMOJA ANASHIKILIWA NAJESHI LA POLISI MKOANI
MBEYA AKIWA NA SILAHA [RIFFLE] BILA KIBALI.
MTU MMOJA AUAWA KWA KUPIGWA NA MTU/WATU WASIOFAHAMIKA WILAYANI RUNGWE.
MTU MMOJA ALIFAHAMIKA KWA JINA LA
SIFA MPOLOGWE (33) MKAZI WA IGOGWE
ALIUAWA KWA KUPIGWA NA MTU/WATU WASIOFAHAMIKA KISHA MWILI WAKE KUCHOMWA MOTO.
TUKIO HILO LILITOKEA MNAMO TAREHE 14.02.2014
MAJIRA YA SAA 12:00HRS MCHANA KATIKA
KIJIJI CHA NTOKELA WILAYA YA RUNGWE MKOA WA MBEYA. UCHUNGUZI UNAONYESHA CHANZO CHA
MAUAJI HAYO NI TUHUMA ZA WIZI.
JUHUDI ZA KUWATAFUTA WALIOHUSIKA NA TUKIO HILI ZINAENDELEA. KAIMU KAMANDA WA
POLISI MKOA WA MBEYA KAMISHINA MSAIDIZI WA POLISI ROBERT MAYALA ANATOA WITO KWA
YEYOTE MWENYE TAARIFA ZA MTU/WATU WALIOHUSIKA NA TUKIO HILI AZITOE KWA
JESHI LA POLISI/MAMLAKA HUSIKA ILI WAKAMATWE NA SHERIA ICHUKUE MKONDO WAKE.
MWANAFUNZI WA KIDATO CHA TATU AFARIKI DUNIA BAADA YA KUGONGWA NA GARI
WILAYANI MBOZI.
MWANAFUNZI WA KIDATO CHA TATU
KATIKA SHULE YA SEKONDARI NALYELE ALIYEFAHAMIKA KWA JINA LA USHINDI MWAEMBE (17) MKAZI WA MAHENJE
ALIFARIKI DUNIA BAADA YA KUGONGWA NA GARI AMBALO HALIKUWEZA KUFAHAMIKA NAMBA ZAKE ZA USAJILI AINA YA CANTER LILILOKUWA LIKINDESHWA
NA DEREVA ASIYEFAHAMIKA JINA WALA MAKAZI
YAKE. TUKIO HILO LILITOKEA MNAMO TAREHE
14.02.2014 MAJIRA YA SAA 15:00HRS
ALASIRI HUKO KATIKA KIJIJI CHA MAHENJE
WILAYA YA MBOZI MKOA WA MBEYA BARABARA YA MBEYA/TUNDUMA. CHANZO CHA
AJALI NI MWENDO KASI, DEREVA ALIKIMBIA MARA BAADA YA TUKIO. JUHUDI ZA
KUMTAFUTA ZINAENDELEA. MWILI WA MAREHEMU UMEHIFADHIWA KATIKA HOSPITALI YA
WILAYA YA MBOZI. KAIMU KAMANDA WA POLISI MKOA WA MBEYA KAMISHINA MSAIDIZI WA
POLISI ROBERT MAYALA ANATOA WITO
KWA YEYOTE MWENYE TAARIFA ZA MAHALI
ALIPO MTUHUMIWA WA TUKIO HILI AZITOE KWA JESHI LA POLISI/MAMLAKA HUSIKA ILI
AKAMATWE NA SHERIA ICHUKUE MKONDO WAKE. AIDHA ANATOA WITO KWA MADEREVA
KUFUATA/KUZINGATIA SHERIA ZA USALAMA BARABARANI WANAPOTUMIA VYOMBO VYA MOTO ILI
KUEPUKA AJALI ZINAZOEPUKIKA. PIA ANAWATAKA MADEREVA KUEPUKA MWENDO KASI KWANI
NI HATARI NA UNAUA.
MTU MMOJA ANASHIKILIWA NA JESHI LA POLISI MKOANI MBEYA AKIWA NA POMBE
HARAMU YA MOSHI.
MTU MMOJA ALIYEFAHAMIKA KWA JINA
LA MARIA AUGEN (33) MKAZI WA MAJENGO
ANASHIKILIWA NA JESHI LA POLISI MKOA WA MBEYA AKIWA NA POMBE HARAMU YA MOSHI
[GONGO] UJAZO WA LITA 20. MTUHUMIWA
ALIKAMATWA KATIKA MSAKO ULIOFANYIKA MNAMO TAREHE
14.02.2014 MAJIRA YA SAA 14:15HRS
MCHANA HUKO KATIKA KIJIJI CHA MAJENGO
WILAYA YA CHUNYA MKOA WA MBEYA. MTUHUMIWA NI MTENGENEZAJI NA MUUZAJI WA
POMBE HIYO. TARATIBU ZA KUMFIKISHA MAHAKAMANI ZINAFANYIKA. KAIMU KAMANDA WA
POLISI MKOA WA MBEYA KAMISHINA MSAIDIZI WA POLISI ROBERT MAYALA ANATOA WITO KWA JAMII KUACHA MATUMIZI YA POMBE HARAMU
YA MOSHI KWANI NI KINYUME CHA SHERIA NA NI HATARI KWA AFYA YA MTUMIAJI. AIDHA
ANAENDELEA KUTOA WITO KWA WANANCHI KUTOA TAARIFA ZA MTU/WATU WANAOJIHUSISHA NA
UTENGENEZAJI NA UUZAJI WA POMBE HIYO KWA JESHI LA POLISI ILI WAKAMATWE NA
SHERIA ICHUKUE MKONDO WAKE.
MTU MMOJA ANASHIKILIWA NAJESHI LA POLISI MKOANI MBEYA AKIWA NA SILAHA
[RIFFLE] BILA KIBALI.
MTU MMOJA ALIYEFAHAMIKA KWA JINA
LA LAMECK BUKWIMBA (44) MKAZI WA
KIJIJI CHA ITUMBI ANASHIKILIWA NA JESHI LA POLISI MKOA WA MBEYA BAADA YA
KUKAMATWA AKIWA NA SILAHA BUNDUKI AINA YA
RIFFLE YENYE NAMBA K-79614 NA RISASI MBILI. MTUHUMIWA ALIKAMATWA MNAMO TAREHE 14.02.2014 MAJIRA YA SAA 17:50HRS JIONI HUKO KATIKA KIJIJI
CHA MAKONGOLOSI WILAYA YA CHUNYA AKIWA AMEIFUNGUA SILAHA HIYO VIPANDE VIPANDE
NA KUIFICHA KATIKA MFUKO WA SANDARUSI. TARATIBU ZA KISHERIA ZINAFANYIKA IKIWA
NI PAMOJA NA KUMFIKISHA MAHAKAMANI. KAIMU KAMANDA WA POLISI MKOA WA MBEYA
KAMISHINA MSAIDIZI WA POLISI ROBERT
MAYALA ANATOA WITO KWA JAMII KUACHA TABIA YA KUJIMILIKISHA SILAHA KINYUME
CHA SHERIA[BILA KIBALI] NA BADALA YAKE WAFUATE TARATIBU ZA KUMILIKI SILAHA
KIHALALI. AIDHA ANATOA WITO KWA JAMII KUTOA TAARIFA KWA JESHI LA POLISI ZA
MTU/WATU WANAOMILIKI SILAHA KINYUME CHA SHERIA PINDI WAONAPO VIASHIRIA VYOVYOTE
ILI HATUA ZA KISHERIA ZICHUKULIWE DHIDI YAO, VINGINEVYO WAJISALIMISHE WENYEWE.
Signed by:
[ROBERT MAYALA – ACP]
KAIMU KAMANDA WA POLISI MKOA WA MBEYA.
EmoticonEmoticon