TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS
RELEASE” TAREHE 18.05.2015.
·
MTU MMOJA KATI YA WATATU WANAOSADIKIWA KUWA NI
MAJAMBAZI AUAWA KWA KUPIGWA NA WANANCHI.
·
MTU MMOJA AMEKUTWA AKIWA AMEKUFA KATIKA NYUMBA
YA KULALA WAGENI HUKU MWILI WAKE UKIKUTWA NA DAWA ZINAZODHANIWA KUWA NI ZA
KULEVYA.
·
MKAZI MMOJA WA KIJIJI CHA SHIGAMBA WILAYA YA MBEYA
VIJIJINI ACHOMEWA NYUMBA MOTO NA KUTEKETEZA VITU VYENYE THAMANI YA TSHS.
8,000,000/=.
KATIKA TUKIO LA KWANZA:
MTU MMOJA KATI
YA WATATU WANAOSADIKIWA KUWA NI MAJAMBAZI AUAWA KWA KUPIGWA NA WANANCHI NA
KISHA KUCHOMWA MOTO MARA BAADA YA KUMVAMIA JULIUS
MKEA (60) MKAZI WA IFUMBO NA
KUMPORA PESA TSHS 3,000,000/= WAKIWA
NA SILAHA BUNDUKI AINA YA S/GUN YENYE
NAMBA R 58308 LSA 1961.
TUKIO HILO
LIMETOKEA MNAMO TAREHE 17.05.2015
MAJIRA YA SAA 21:30 USIKU HUKO
KATIKA KIJIJI NA KATA YA IFUMBO, TARAFA YA KIWANJA, WILAYA YA CHUNYA, MKOA WA
MBEYA.
AIDHA KATIKA
TUKIO HILO, PIKIPIKI MBILI ZENYE NAMBA ZA USAJILI T. 507 DAN NA T. 924 CAM
ZOTE AINA YA T-BETTER ZILIKUWA
ZIKITUMIWA NA WATUHUMIWA ZILIKAMATWA. MSAKO MKALI UNAENDELEA KUWATAFUTA
WATUHUMIWA WAWILI WALIOKIMBIA.
KAIMU KAMANDA WA
POLISI MKOA WA MBEYA KAMISHNA MSAIDIZI WA POLISI NYIGESA R. WANKYO ANATOA WITO KWA YEYOTE MWENYE TAARIFA ZA MAHALI
WALIPO WATUHUMIWA WALIOHUSIKA KATIKA TUKIO HILI NA KUKIMBIA AZITOE KATIKA
MAMLAKA HUSIKA ILI WAKAMATWE NA HATUA ZA KISHERIA ZICHUKULIWE DHIDI YAO.
KATIKA TUKIO LA PILI:
MNAMO TAREHE 17/5/2015 JIONI MTU MMOJA ALIYEFAHAMIKA KWA JINA LA ATHUMAN OMARY ABDALLAH (37) MTANZANIA
MWENYE PASSPORT NO. AB 452347 ILIYOTOLEWA DSM TAREHE 11.02.2011. ALIKUTWA
AMEKUFA CHUMBANI HUKO KATIKA MJI MDOGO WA TUNDUMA KATIKA NYUMBA YA KULALA
WAGENI IITWAYO MIAMI GUEST CHUMBA NAMBA 208.
MWILI WA
MAREHEMU HUYO UMEHIFADHIWA KATIKA HOSPITALI YA SERIKALI YA VWAWA WILAYA YA
MBOZI KUSUBIRI KUTAMBULIWA. AIDHA MAREHEMU ALIFIKA KATIKA NYUMBA HIYO TAREHE
15.05.2015 JIONI KWA USAFIRI WA BASI LA FALCON AKITOKEA DAR ES SALAAM.
KAIMU KAMANDA WA
POLISI MKOA WA MBEYA KAMISHNA MSAIDIZI WA POLISI NYIGESA R. WANKYO ANATOA WITO KAMA KUNA MTU KAPOTELEWA NA NDUGU
YAKE AFIKE HOSPITALINI HAPO ILI KUTAMBUA MWILI HUO.
KATIKA TUKIO LA TATU:
MKAZI MMOJA WA
KIJIJI CHA SHIGAMBA WILAYA YA MBEYA VIJIJINI ALIYEFAHAMIKA KWA JINA LA RED KAMETA (47) MFANYABIASHARA ALICHOMEWA MOTO NYUMBA YAKE NA KUTEKETEZWA VITU
VYENYE THAMANI YA TSHS 8,000,000/=.
TUKIO HILO
LIMETOKEA MNAMO TAREHE 17.05.2015
MAJIRA YA SAA 20:45 USIKU HUKO
KATIKA KIJIJI CHA SHIGAMBA, KATA YA IWINDI, TARAFA YA USONGWE, WILAYA YA MBEYA
VIJIJINI, MKOA WA MBEYA.
MTILIWA SHAKA NI
MKWE WA MHANGA ALIYEFAHAMIKA KWA JINA MOJA LA CHRISTIAN. HAKUNA MADHARA YA KIBINADAMU YALIYORIPOTIWA KUTOKEA. MOTO
HUO ULIZIMWA KWA USHIRIKIANO WA WANANCHI WA KIJIJI HICHO. CHANZO CHA TUKIO HILO
BADO KINACHUNGUZWA. UPELELEZI
UNAENDELEA.
Imesainiwa na:
[NYIGESA R. WANKYO – ACP]
KAIMU KAMANDA WA POLISI MKOA WA MBEYA.
EmoticonEmoticon