Rais
JAKAYA KIKWETE amezitaka Taasisi za Kifedha nchini kuwekeza katika
huduma za kibenki hadi katika ngazi za Vijiji ili kusaidia kukuza uchumi
wa mtu mmoja na taifa kwa ujumla hali itakayochangia pia jamii kuwa na
utamaduni wa kuhifadhi fedha benki. Akizungumza
Jijini Dar es Salaam wakati wa hafla ya kuzindua huduma za TPB Popote
inayotolewa na Benki ya Posta nchini, Rais KIKWETE amesema, ili
kuharakisha maendeleo kwa jamii kupitia huduma za fedha, Serikali
itahakikisha asilimia 50 ya Wananchi wanafikiwa na huduma hiyo hadi
kufikia mwaka 2015. Kwa upande wake
Waziri wa Fedha na Uchumi DK WILLIAM MGIMWA ambaye ndiye mwenye dhamana
ya mabenki nchini kupitia Benki ya Tanzania BOT anazungumzia mkakati wa
kuiboresha benki POSTA ili kukuza mtaji wake. Kwa
upande wake Mwenyekiti wa Bodi ya Benki ya Posta nchini Profesa LETICIA
RUTASHOBYA amesema ili kuendana na ushindani wa kibiashara, benki yake
imepanga kuongeza idadi ya wateja kutoka laki sita waliopo sasa hadi
kufikia Milioni 1.2 ifikapo mwaka 2015. Benki hiyo imeweza kukuza kiasi cha faida yake kutoka Bilioni 3.8 mwaka 2011 hadi kufikia Bilioni 7.2 mwishoni mwa mwaka huu.
EmoticonEmoticon