 |
| Ndugu na jamaa wakiwa nyumbani kwa marehemu Bahati Mwanguku ambaye alikuwa afisa Mtendaji wa kijiji cha Mpona Malangali Kata ya Totowe Wilayani Chunya Mkoani Mbeya aliyeuwawa na watu wanadhaniwa kuwa ni majambazi usiku wa kuamkia leo March 3 kijijini hapo. |
 |
| Mwili wa marehemu Mwanguku ukiwa umefunikwa huku ndugu wa marehemu wakiwa na majonzi kufuatia tukio hilo la kuuwawa kwa Afisa mtendaji huyo kikatili na watu wasio julikana.Picha na Ezekeil Kamanga |
 |
| Marehemu enzi za uhai wake |
 |
| Shuhuda wa tukio hilo Huruma simkufukwe |
Na Ezekiel Kamanga,Mbeya
Afisa mtendaji wa Kijiji cha
Mpona Marangali kata ya totowe Wilayani Chunya Mkoani Mbeya Ndugu Bahati
Mwanguku ameuwawa kwa kukatwakatwa na mapanga na watu wanao dhaniwa kuwa ni
majambazi usiku wa kuamkia leo March 3 mwaka huu.
Tukio la kikatili limetokea
kijijni hapo March 3 mwaka huu majira ya saa 9 usiku ambapo inadaiwa kuwa watu
hao wasiofahamika walifika nyumbani kwa
Afisa mtendaji huyo kwa lengo la kuomba msaada .
Mmoja wa ndugu wa marehemu huyo Bw. Huruma Simfukwe alisema
kuwa watu hao walifika nyumbani hapo majira ya saa 8 usiku wakitaka kupatiwa
msaada kwa afisa mtendaji huyo.
Amesema marehemu
alikuwa amelala nyumba kubwa akiwa yeye na watoto wake ambapo mke alikuwa
ameondoka muda mchache kabla ya mauaji hayo akielekea jijini mbeya .
Amesema yeye pamoja na mwenzake walikuwa nyumba ndogo za
uwani ambapo walisikia watu wakigonga huku wakimtaka Afisa mtendaji huyo
kufungua mlango ili waweze kueleza shida zao.
Amesema
marehemu aligoma kufungua mlango huku akiwataka
kujitambulisha na kueleza shida zao ambapo walidai wao wametoka usangu
Mbarali hivyo wanahitaji msaada kwani mifugo yao imevamiwa
na majambazi hiyvo wanahitaji msaada wa ulinzi .
Amesema pamoja nakwamba ulikuwa usiku wa manane waliweza
kuwaona watuhumiwa hao nakwamba hawakuweza kutambua kitu chochote walichokuwa
wameshika tofauti na tochi ambayo ndio waliyokuwa wakiitumia kumulikia .
Amesema mara baada ya watu hao kujieleza afisa mtendaji huyo
ambaye kwa sasa ni marehemu aliwataka kurudi kesho yake saa2 asubuhi (Leo ) ili awapatie msaada huo ambapo watu hao
waligoma na kushinikiza marehemu atoke nje .
Amesema wakati majibizano hayo yakiendelea kati ya marehemu
na watuhumiwa hao ghafla alisikia kishindo na kelele zikitoka ndani ya nyumba
kama mtu akiomba msaada ambapo kwa muda huo naye alifatwa hadi chumbani alipo
lala na watu hao kisha kufunikwa shuka usoni na kuingizwa chini ya vungu mwa makochi na
kutakiwa kukaa kimya.
Amesema wakati matukio hayo yakiendelea alisikia mlio wa
pikipiki ikiwashwa kutoka nyumbani hapo na kutokomea pasipo julikana hali
ambayo ilimfanya aamke ndipo alipo kutana na damu nyingi zikiwa zimetapakaa
chumba kizima huku marehemu akiwa amekatwa katwa mapanga sehemu mbalimbali za
mwili wake akiwa tayari amekufa huku pikipiki ya marehemu nayo ikiwa imechuliwa na watu hao .
Hata hivyo Mwenyekiti wa kijiji hicho Pukisaida Mwalobe
amesema yeye aliamshwa nyumbani kwake majira ya saa kumi usiku na mjumbe wa serikali ya kijiji hicho kwa
kuelezwa kuwa Afisa mtendaji wake ameuwawa na majambazi.
Amesema mara baada ya kufika nyumbani kwa marehemu alielezwa
kuwa kabla ya marehemu kukutwa na
umauti huo ni muda mchache mara baada ya
kutoka kumsindikiza mke wake usiku huo ambaye alikuwa akisafiri kuelekea Jijini
Mbeya.
Amesema tukio hilo limewasikitisha sana kwani walipanga
kukutana na marehemu huyo ili kupanga mikakati mbalimbali namna ya kuongoza serikali
hiyo ya kijiji hicho hivyo kifo cha afisa mtendaji huyo ni pigo kubwa kwake na kwa serikali ya kijiji
kwa ujumla.
Aidha kufuatia tukio hilo ameomba ushirikiano kwa wananchi wa kijiji hicho
kuhakikisha wanatoa taarifa kwa uongozi wa kijiji juu watu wanaoingia ndani ya
kijiji hicho ili waweze kuwatambua mara moja kwa lengo la kuepuka vitendo vya
namna hiyo .
Kamanda wa Polisi Mkoa wa Mbeya Ahmed Msangi amethibitisha
kutokea kwa tukio hilo na kwamba jeshi la Polisi litahakikisha linawatia
nguvuni watuhumiwa hao.
Mwisho.
JAMIIMOJABLOG
|
|
EmoticonEmoticon