TAARIFA YA JESHI LA POLISI MKOA WA MBEYA KWA VYOMBO VYA HABARI
“PRESS RELEASE” TAREHE 28.06.2014.
·
MWENDESHA PIKIPIKI MMOJA AUAWA NA MTU/WATU
WASIOFAHAMIKA KWA KUPIGWA NA KITU KIZITO KICHWANI.
·
MTU MMOJA MKAZI WA KIJIJI CHA LUSUNGO
ANASHIKILIWA NA JESHI LA POLISI MKOA WA MBEYA KWA TUHUMA ZA KUIBA MTOTO MWENYE
UMRI WA SIKU TANO.
·
JESHI LA POLISI MKOA WA MBEYA LINAWASHIKILIA
WATU WAWILI KWA TUHUMA ZA KUPATIKANA NA DAWA ZA KULEVYA.
KATIKA TUKIO LA KWANZA:
MTU MMOJA
ALIYETAMBULIKA KWA JINA LA LILANGI MLAWE
@ MTAFYA (38) MWENDESHA PIKIPIKI
@ BODABODA, MKAZI WA KIJIJI CHA
INSANI ALIKUTWA AMEUAWA KWA KUPIGWA KITU KIZITO KICHWANI NA MTU/WATU
WASIOFAHAMIKA KISHA KUONDOKA NA PIKIPIKI YAKE AMBAYO BADO HAIJAFAHAMIKA NAMBA
ZA USAJILI.
TUKIO HILO
LIMETOKEA MNAMO TAREHE 27.06.2014
MAJIRA YA SAA 20:00 USIKU KATIKA
KITONGOJI CHA NAMKOMI, KIJIJI CHA BARA, KATA NA TARAFA YA ITAKA, WILAYA YA
MBOZI, MKOA WA MBEYA.
INADAIWA KUWA
MAREHEMU ALIKODISHWA NA ABIRIA ILI AMPELEKE WILAYA YA CHUNYA KISHA KUUAWA
WAKATI WAKIWA NJIANI. JUHUDI ZA KUWATAFUTA WALIOHUSIKA NA TUKIO HILI
ZINAENDELEA.
KAMANDA WA POLISI
MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MTU/WATU
WALIOHUSIKA NA TUKIO HILI AZITOE KATIKA MAMLAKA HUSIKA ILI WAKAMATWE NA HATUA
ZA KISHERIA ZICHUKULIWE DHIDI YAO.
KATIKA TUKIO LA PILI:
MWANAUME MMOJA
ALIYEFAHAMIKA KWA JINA LA OBEDI MAKUPA
(37) MKAZI WA KIJIJI CHA LUSUNGO WILAYANI KYELA ANASHIKILIWA NA JESHI LA
POLISI MKOA WA MBEYA KWA TUHUMA ZA KUIBA MTOTO MCHANGA MWENYE UMRI WA SIKU TANO
AITWAYE DAVID SEMENI.
TUKIO HILO LIMETOKEA
MNAMO TAREHE 27.06.2014 MAJIRA YA SAA 04:00 ALFAJIRI KATIKA KIJIJI CHA
LUSUNGO, KATA YA LUSUNGO, TARAFA YA NTEMBELA, WILAYA YA KYELA, MKOA WA MBEYA.
INADAIWA KUWA
MTUHUMIWA KABLA YA KUTENDA KOSA HILO ALIWAVIZIA WAZAZI WA MTOTO HUYO AMBAO NI SEMENI OGADA (28) NA TUMPALE SAKWISYA (20) WOTE WAKAZI WA
KIJIJI CHA LUSUNGO WAKIWA WAMELALA USINGIZI NA KUFUNGUA MLANGO WA NYUMBA
ULIOTENGENEZWA KWA MATETE KISHA KUMUIBA MTOTO NA KUKIMBIA NAE.
HATA HIVYO BABA
WA MTOTO ALISHTUKA NA KUPIGA KELELE ZA KUOMBA MSAADA HIVYO MAJIRANI
WALIJITOKEZA NA KUMKIMBIZA MTUHUMIWA NA KUMKAMATA AKIWA NA MTOTO HUYO.
MTUHUMIWA AMEJERUHIWA BAADA YA KUSHAMBULIWA KWA KUPIGWA SEHEMU MBALIMBALI ZA
MWILI WAKE NA WANANCHI WALIOAMUA KUJICHUKULIA SHERIA MKONONI.
MTUHUMIWA
ALIOKOLEWA NA ASKARI POLISI WALIOFIKA ENEO LA TUKIO NA AMELAZWA HOSPITALI YA
WILAYA YA KYELA AKIWA CHINI YA ULINZI. AIDHA MTOTO AMEFANYIWA UCHUNGUZI WA
KITABIBU NA KUKABIDHIWA WAZAZI AKIWA SALAMA.
MISAKO:
MTU MMOJA
ALIYEFAHAMIKA KWA JINA LA ADAM KYANDO
(27) MFANYABIASHARA, MKAZI WA
KAWETELE – CHINI ANASHIKILIWA NA JESHI LA POLISI MKOA WA MBEYA BAADA YA
KUKAMATWA AKIWA NA KETE 09 ZA DAWA
ZINAZODHANIWA KUWA ZA KULEVYA AINA YA
COCAINE ZENYE UZITO WA GRAM 10.
MTUHUMIWA
ALIKAMATWA MNAMO TAREHE 27.06.2014
MAJIRA YA SAA 12:00 MCHANA
KATIKA NYUMBA YA KULALA WAGENI IITWAYO UNDER GROUND ILIYOPO MTAA WA WAIGO,
KATA YA KAWETELE, TARAFA YA TUKUYU,
WILAYA YA RUNGWE, MKOA WA MBEYA.
KATIKA MSAKO WA PILI:
MTU MMOJA
ALIYEFAHAMIKA KWA JINA LA JOEL
MWAKANYANGWA (24) MKAZI WA NDANDALO ANASHIKILIWA NA JESHI LA POLISI MKOA WA
MBEYA AKIWA NA BHANGI UZITO WA KILO MOJA
AKIWA AMEIFICHA KWENYE MFUKO WA RAMBO.
MTUHUMIWA
ALIKAMATWA MNAMO TAREHE 27.06.2014 MAJIRA
YA SAA 11:00 ASUBUHI KATIKA ENEO LA
MACHINJIONI, KATA YA KYELA –KATI, TARAFA YA UNYAKYUSA, WILAYA YA KYELA, MKOA WA
MBEYA.
TARATIBU ZA
KUWAFIKISHA MAHAKAMANI WATUHUMIWA ZINAENDELEA KUFANYIKA.
KAMANDA WA
POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII
KUACHA KABISA KUTUMIA DAWA ZA KULEVYA KWANI NI KINYUME CHA SHERIA NA NI HATARI
KWA AFYA YA MTUMIAJI. AIDHA ANAENDELEA KUTOA WITO KWA JAMII KUTOA TAARIFA
KATIKA MAMLAKA HUSIKA ZA WATU AU MTANDAO WA WATU WANAOJIHUSISHA NA UUZAJI NA
USAMBAZAJI WA DAWA ZA KULEVYA ILI WAKAMATWE NA HATUA ZA KISHERIA ZICHUKULIWE
DHIDI YAO.
Imetolewa na:
[AHMED Z. MSANGI – SACP]
KAMANDA WA POLISI MKOA WA MBEYA.
EmoticonEmoticon