Ø
JESHI LA POLISI
MKOA WA MBEYA LAMSHIKILIA MTU MMOJA AKIWA NA BHANGI KILO 1.
Ø
JESHI LA POLISI
MKOA WA MBEYA LA MSHIKILIA MTU MMOJA KWA
KUPATIKANA NA MALI YA WIZI [PIKIPIKI].
KATIKA MSAKO WA KWANZA:
JESHI LA POLISI
MKOA WA MBEYA LINAMSHIKILIA MTU MMOJA LUSAKO
KALONGOTI [30] MKAZI WA USHIRIKA -TUKUYU BAADA YA KUKAMATWA AKIWA NA BHANGI YENYE UZITO WA KILO
MOJA [01].
MTU HUYO ALIKAMATWA
TAREHE 25.03.2014 MAJIRA YA SAA 12:00 MCHANA ENEO LA STENDI YA KIWIRA
KUFUATIA MSAKO ULIOFANYWA NA JESHI LA POLISI. MTUHUMIWA HUYO NI MUUZAJI NA MTUMIAJI
WA BHANGI ALIKAMATWA AKIWA ANASAFIRISHA KWENYE GARI LA ABIRIA LENYE NAMBA ZA
USAJILI T.646 BQD AINA YA
TOYOTA COASTER LILILOKUWA LIKITOKEA KYELA KUELEKEA MBEYA MJINI.
TARATIBU ZA KUMFIKISHA MAHAKAMANI ZINAFANYIKA.
KAMANDA WA
POLISI MKOA WA MBEYA KAMISHINA MSAIDIZI MWANDAMIZI
WA POLISI AHMED Z. MSANGI ANATOA WITO KWA JAMII KUACHA KUTUMIA DAWA ZA
KULEVYA KWANI NI KINYUME CHA SHERIA NA
NI HATARI KWA AFYA YA MTUMIAJI. AIDHA
ANATOA RAI KWA YEYOTE MWENYE TAARIFA JUU YA
MTU/WATU WANAOLIMA ZAO HARAMU LA BHANGI AU KUSAFIRISHA AZITOE KATIKA
MAMLAKA HUSIKA ILI WAKAMATWE NA HATUA ZA KISHERIA ZICHUKULIWE DHIDI YAO.
KATIKA MSAKO WA PILI:
JESHI LA POLISI
MKOA WA MBEYA LINAMSHIKILIA MTU MMOJA ALPHONCE
MWAZEMBE [21] MKAZI WA KIJIJI CHA ILEMBO - VWAWA WILAYA YA MBOZI BAADA YA
KUKAMATWA AKIWA NA PIKIPIKI MOJA T.548
CBN AINA YA T-BETTER AMBAYO INADAIWA KUWA NI MALI YA WIZI.
AIDHA ASKARI HAO
WALIKAMATA PIKIPIKI NYINGINE T.167 BLK
AINA YA SUN-LG AMBAPO MTUHUMIWA ALIKIMBIA
NA KUITELEKEZA BAADA YA KUWAONA ASKARI KWANI PIA PIKIPIKI HIYO ILIISHIWA MAFUTA
. PIKIPIKI ZOTE MBILI ZIMETAMBULIWA NA WAMILIKI HALISI.
TUKIO HILO LIMETOKEA TAREHE 25.03.2014 MAJIRA YA SAA 05:00 ALFAJIRI KATIKA KIJIJI CHA HANSEKETWA, KATA NA TARAFA YA VWAWA KUFUATIA MSAKO ULIOFANYWA NA JESHI LA POLISI.
TARATIBU ZA KISHERIA ZINAFANYWA ILI AFIKISHWE MAHAKAMANI.
KAMANDA WA POLISI MKOA WA MBEYA KAMISHINA
MSAIDIZI MWANDAMIZI WA POLISI AHMED Z.
MSANGI ANATOA WITO KWA JAMII KUACHA TAMAA YA UTAJIRI WA HARAKA KWA KUTUMIA
NJIA ZA MKATO, KWANI HUWEZI KUPAMBANA NA UMASIKINI WA KIPATO KWA NJIA ZA MKATO
BADALA YAKE WANANCHI WAFANYE KAZI HALALI KWA LENGO LA KUPATA KIPATO HALALI
IKIWA NI PAMOJA NA KUNUNUA MALI HALALI KATIKA SEHEMU HUSIKA. PIA KAMANDA WA
POLISI MKOA WA MBEYA ANATOA WITO KWA WANANCHI KUENDELEA KUTOA TAARIFA SAHIHI NA
KWA WAKATI KUHUSIANA NA UHALIFU NA WAHALIFU.
Signed by:
[AHMED Z. MSANGI – SACP]
KAMANDA WA POLISI MKOA WA
MBEYA.
EmoticonEmoticon