|
|
WILAYA YA ILEJE
- AJALI YA GARI KUMGONGA MPANDA
PIKIPIKI NA KUSABABISHA
KIFO NA MAJERUHI.
KIFO NA MAJERUHI.
MNAMO TAREHE 19.09.2013 MAJIRA YA SAA
15:00HRS HUKO KATIKA KIJIJI CHA NDOLA
WILAYA YA ILEJE MKOA WA MBEYA. GARI STK 5485 AINA YA TOYOTA HILUX MALI
YA HALMASHAURI
YA WILAYA YA ILEJE IDARA YA UJENZI LIKITOKEA KIJIJI CHA ITALE KUELEKEA ITUMBA LIKIENDESHWA NA DEREVA VICENT
S/O SCOT, MIAKA 35, MUHA, MKAZI WA ITUMBA
LILIMGONGA MPANDA PIKIPIKI YENYE
NAMBA T. 367 BTB AINA YA T-BETTER
AITWAE CHONDE S/O MWASI MIAKA
32, MNDALI, MKAZI WA ITUMBA NA
KUSABABISHA KIFO CHAKE WAKATI ANAPELEKWA HOSPITALI KWA MATIBABU PIA MAJERUHI KWA ABIRIA WAKE WAWILI MAJINA
YAO BADO KUFAHAMIKA AMBAO WAMELAZWA
HOSPITALI YA RUFAA MBEYA. CHANZO
KINACHUNGUZWA. MWILI WA MAREHEMU UMEFANYIWA UCHUNGUZI NA KUKABIDHIWA NDUGU
KWA MAZISHI. DEREVA AMEKAMATWA TARATIBU ZA KUMFIKISHA MAHAKAMANI ZINAFANYWA.
KAMANDA WA POLISI MKOA WA MBEYA KAMISHNA
MSAIDIZI WA POLISI DIWANI ATHUMANI
ANAENDELEA KUTOA WITO KWA MADEREVA KUWA MAKINI WANAPOENDESHA VYOMBO VYA
MOTO KWA KUZINGATIA SHERIA ZA USALAMA BARABARANI ILI KUEPUSHA AJALI ZINAZOWEZA
KUEPUKIKA.
|
|
WILAYA
YA MBOZI - AJALI YA GARI KUACHA NJIA
KUPINDUKA NA KUSABABISHA KIFO.
MNAMO TAREHE 19.09.2013 MAJIRA YA SAA 17:30HRS HUKO KATIKA KIJIJI CHA SELEWA BARABARA YA MBEYA/TUNDUMA
WILAYA YA MBOZI MKOA WA MBEYA. GARI T. 598 BTK AINA YA FUSO TIPPER LIKIENDESHWA NA DEREVA JAPHET
S/O MWASHIUYA, MIAKA 21, MNYIHA, MKAZI WA ILEMBA - VWAWA LILIACHA NJIA NA KUPINDUKA BAADA YA GURUDUMU LA MBELE UPANDE WA KUSHOTO KUPASUKA
NA KUSABABISHA KIFO CHA MATOKEO S/O STEVEN MWASHIUYA MIAKA 27,
MNYIHA,MKULIMA MKAZI WA ISANGU PIA
KUSABABISHA MAJERUHI KWA ABIRIA WAKE WATANO AMBAO WAMELAZWA HOSPITALI YA SERIKALI WILAYA YA MBOZI.
MWILI WA MAREHEMU UMEHIFADHIWA HOSPITALINI HAPO. DEREVA ALIKIMBIA MARA
BAADA YA TUKIO, GARI LIPO ENEO LA TUKIO. KAMANDA WA POLISI MKOA WA MBEYA
KAMISHNA MSAIDIZI WA POLISI DIWANI ATHUMANI ANATOA WITO KWA MADEREVA KUWA
MAKINI WANAPOTUMIA VYOMBO VYA MOTO KWA KUZINGATIOA SHERIA ZA USALAMA BARABARANI
ILI KUEPUKA AJALI ZINAZOWEZA KUEPUKIKA.
AIDHA ANATOA RAI KWA YEYOTE MWENYE TAARIFA JUU YA MAHALI ALIPO MTUHUMIWA NA
GARI AZITOE KATIKA MAMLAKA HUSIKA ILI
AKAMATWE NA SHERIA ICHUKUE MKONDO WAKE, VINGINEVYO AJISALIMISHE MWENYEWE MARA MOJA.
WILAYA
YA MBEYA MJINI - KUPATIKANA NA BHANGI
MNAMO TAREHE 19.09.2013 MAJIRA YA SAA 20:00HRS HUKO KATIKA ENEO LA MAKUNGURU
JIJI NA MKOA WA MBEYA. ASKARI POLISI WAKIWA DORIA WALIMKAMATA GREGORY S/O JOHN, MIAKA 20, KYUSA,
MKAZI WA MAKUNGURU AKIWA NA BHANGI UZITO WA KILO 2. MBINU NI KUFICHA BHANGI HIYO KWENYE KIBANDA
CHAKE CHA BIASHARA. MTUHUMIWA NI MVUTAJI NA MUUZAJI WA BHANGI. TARATIBU
ZINAFANYWA ILI AFIKISHWE MAHAKAMANI. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI
ATHUMANI ANATOA WITO KWA
JAMII KUACHA KUTUMIA DAWA ZA KULEVYA KWANI NI KINYUME CHA SHERIA NA NI
HATARI KWA AFYA YA MTUMIAJI.
……../2.
= 2 =
WILAYA
YA CHUNYA - KUPATIKANA NA BHANGI.
MNAMO TAREHE 19.09.2013 MAJIRA YA SAA 14:00HRS HUKO KATIKA KIJIJI CHA
MTANILA WILAYA YA CHUNYA MKOA WA MBEYA. ASKARI POLISI WAKIWA DORIA WALIMKAMATA STAFORD S/O SOMBA MIAKA 26, MNDALI,
MKULIMA, MKAZI WA MTANILA AKIWA NA BHANGI UZITO WA KILO 1. MBINU NI KUFICHA BHANGI HIYO NDANI
YA NYUMBA YAKE. MTUHUMIWA NI MUUZAJI
NA MVUTAJI WA BHANGI. TARATIBU ZINAFANYWA ILI AFIKISHWE MAHAKAMANI. KAMANDA WA
POLISI MKOA WA MBEYA KAMISHNA MSAIDIZI
WA POLISI DIWANI ATHUMANI ANATOA WITO KWA
JAMII KUACHA KUTUMIA DAWA ZA KULEVYA KWANI NI KINYUME CHA SHERIA NA NI
HATARI KWA AFYA YA MTUMIAJI.
Signed
by:
[ DIWANI ATHUMANI - ACP ]
KAMANDA WA POLISI MKOA WA MBEYA.
EmoticonEmoticon